ಭಾರತ ಸರ್ಕಾರ: ಅಕ್ಟೋಬರ್ 01 ರಿಂದ ಪೋಸ್ಟ್ ಆಫೀಸ್ ಸೇವಿಂಗ್ ಸ್ಕೀಮ್ ನಲ್ಲಿ ಭಾರಿ ಬದಲಾವಣೆ
ಸ್ನೇಹಿತರೇ ಭಾರತ ಸರ್ಕಾರವು ಪೋಸ್ಟ್ ಆಫೀಸ್ ಉಳಿತಾಯ ಯೋಜನೆಗಳಿಗೆ ಸಂಬಂದಿತ ಮಹತ್ವದ ಬದಲಾವಣೆಗಳನ್ನು ಪರಿಚಯಿಸಿದ್ದು, ಅಕ್ಟೋಬರ್ 1, 2024 ರಿಂದ ಜಾರಿಗೆ ಬರಲಿವೆ. ಈ ಬದಲಾವಣೆಗಳು ಪೋಸ್ಟ್ ಆಫೀಸ್ ಮೂಲಕ ನಿರ್ವಹಿಸಲ್ಪಡುವ ರಾಷ್ಟ್ರೀಯ ಸಣ್ಣ ಉಳಿತಾಯ ಯೋಜನೆ (NSS) ಗಳ ಅಡಿಯಲ್ಲಿ ಖಾತೆಗಳಲ್ಲಿ ನಡೆಯುತ್ತಿರುವ ಅಕ್ರಮ ಮತ್ತು ಕಾನೂನು ಬಾಹಿರ ಚಟುವಟಿಕೆಗಳನ್ನು ತಡೆಯುವ ನಿಟ್ಟಿನಲ್ಲಿ ರೂಪಿಸಲಾಗಿದೆ.
ಹಣಕಾಸು ಸಚಿವಾಲಯದ ಆರ್ಥಿಕ ವ್ಯವಹಾರಗಳ ಇಲಾಖೆಯು ಆಗಸ್ಟ್ 21, 2024 ರಂದು ಈ ಕುರಿತು ಸುತ್ತೋಲೆಯನ್ನು ಬಿಡುಗಡೆ ಮಾಡಿದ್ದು, ಈ ಬದಲಾವಣೆಗಳು NSS (National Saving Scheme) ಖಾತೆಗಳ ನಿರ್ವಹಣೆಯನ್ನು ಸುವ್ಯವಸ್ಥಿತಗೊಳಿಸಲಿವೆ.
ಸ್ನೇಹಿತರೇ NSS-87 ಅಡಿಯಲ್ಲಿ ತೆರೆಯಲಾದ ಖಾತೆಗಳಿಗೆ , 1990 ರ ನಿರ್ದೇಶನದ ಮೊದಲು ಅಥವಾ ನಂತರ ತೆರೆಯಲಾಗಿದೆಯೇ ಎಂಬುದನ್ನುಪರಿಗಣಿಸಿ ನಿಯಮಗಳನ್ನು ಜಾರಿಗೆ ತರಲಾಗಿದೆ. ಮೊದಲ ಖಾತೆಯು ಯೋಜನೆಯ ಬಡ್ಡಿ ದರವನ್ನು ಗಳಿಸಿದರೆ, ಎರಡನೇ ಖಾತೆಯು ಪೋಸ್ಟ್ ಆಫೀಸ್ ಉಳಿತಾಯ ಖಾತೆ (POSA) ದರವನ್ನುಮತ್ತು ಸೆಪ್ಟೆಂಬರ್ 30, 2024 ರವರೆಗೆ 200 ಮೂಲ ಅಂಕಗಳನ್ನು ಪಡೆಯುತ್ತಿತ್ತು. ಆದರೆ ಅಕ್ಟೋಬರ್ 1, 2024 ರಿಂದ, ಎರಡೂ ಖಾತೆಗಳು ಶೂನ್ಯ ಬಡ್ಡಿಯನ್ನು ಗಳಿಸುತ್ತವೆ.
ಏನೆಲ್ಲಾ ಬದಲಾವಣೆಗಳು ಆಗಲಿವೆ?
- ಅಪ್ರಾಪ್ತ ವಯಸ್ಕರ ಹೆಸರಿನಲ್ಲಿ ತೆರೆಯಲಾದ ಸಾರ್ವಜನಿಕ ಭವಿಷ್ಯ ನಿಧಿ (PPF) ಖಾತೆಗಳು ಫಲಾನುಭವಿ 18 ವರ್ಷ ತುಂಬುವವರೆಗೆ POSA ಬಡ್ಡಿದರವನ್ನು ಪಡೆಯಲ್ಲಿದ್ದು, ಅದರ ನಂತರ PPF ಬಡ್ಡಿ ದರ ಅನ್ವಯವಾಗಲಿದೆ.
- ಇನ್ನುಮುಂದೆ ಕೇವಲ ಪ್ರಾಥಮಿಕ PPF ಖಾತೆಯು ಯೋಜನೆಯ ಬಡ್ಡಿದರವನ್ನು ಗಳಿಸಲಿದ್ದು, ಹೆಚ್ಚುವರಿ (Aditional) ಖಾತೆಗಳಿಗೆ ಶೂನ್ಯ ಬಡ್ಡಿದರ ಗಳಿಸಲಿವೆ.
- ಅನಿವಾಸಿ ಭಾರತೀಯರು (NRIಗಳು) 1968 ರ ಯೋಜನೆಯಡಿಯಲ್ಲಿ ತೆರೆಯಲಾದ PPF ಖಾತೆಗಳು ಕೇವಲ ಸೆಪ್ಟೆಂಬರ್ 30, 2024 ರವರೆಗೆ POSA ಬಡ್ಡಿ ದರವನ್ನು ಗಳಿಸಲಿದ್ದು ಅದರ ನಂತರ ಇಂತಹ ಖಾತೆಗಳು ಶೂನ್ಯ ಬಡ್ಡಿಯನ್ನು ಗಳಿಸಲಿವೆ.
- ಸಣ್ಣ ಉಳಿತಾಯ ಯೋಜನೆಗಳಲ್ಲಿನ (SSS) ಸಣ್ಣ ಖಾತೆಗಳು (Minor Accounts) POSA ದರದಲ್ಲಿ ಬಡ್ಡಿಯನ್ನು ಗಳಿಸಲಿವೆ.
- ಈ ಹಿಂದೆ ವಯಸ್ಸಾದವರು ಸುಕನ್ಯಾ ಸಮೃದ್ಧಿ ಖಾತೆ ತೆರೆದಿದ್ದರೆ ಅಂತಹ ಖಾತೆಗಳನ್ನು ಕಾನೂನು ಪಾಲಕರಿಗೆ ವರ್ಗಾಯಿಸುವುದು (ಕುಟುಂಬಸ್ಥರಿಗೆ) ಕಡ್ಡಾಯ ಮತ್ತು ಒಂದೇ ಕುಟುಂಬದಲ್ಲಿ ಏರಡಕ್ಕಿಂತ ಹೆಚ್ಚು ಖಾತೆಗಳನ್ನು ಹೊಂದಿದ್ದರೆ ಅನಿಯಮಿತ ಖಾತೆಗಳನ್ನು ರದ್ದುಗೊಳಿಸಲಾಗುವುದು.
